Like-o-Meter
[Total: 0 Average: 0]
మురళీ ధరుడు, మురిపాల క్రిష్ణుడు;
మన పాలి దేవుడు ||
గోరు ముద్దలన్నిటినీ మెసవుచుండును;
కూర్మి- యశోదమ్మ గారాలపట్టి వీడేను!
మాకెల్లపుడూ వీని ధ్యాస; వీడము ఈ ధ్యానము ||
గోటి మీద కొండనే నిలిపి ఉంచినాడు;
గోటి కింద పెద్ద పాము నణచినాడు గదటమ్మా!
సాటిలేని మేటి; అసాధ్యుడంటె వీడేను ||
గోరు మీద వెన్నముద్ద చాలంటాడు
సంగోరు భాగమీవే అని రాధను బులిపించును
గోపాలబాలుడు గోవిందుడు పురుషోత్తముడు ||