Like-o-Meter
[Total: 0 Average: 0]
చెలీ!
మింటిలోని ప్రతి తారలోను
నీ రూపునూహించినాను.
నల్లబడి నిండు జాబిలి
మన పెళ్లి వేళ
నీ బుగ్గన చుక్కౌతానన్నది! ఓ చెలీ!
*******
నీ వాలుచూపులు నాకై రాసిచ్చిన
వీలునామాను చదువుకునే వేళ!
అంత వణుకెందుకే చెలీ
నీ పెదవులకు
*******
గుప్పెడు మల్లెలకు వరమిచ్చి
గంపెడు శరాలను ఎక్కుపెట్టి
అడుగైనా కదపలేని తనాన్ని
బహుమతిగా ఇచ్చావేమి
నా మనసుకో చెలీ!
*******
పండు వెన్నెల్లో
ఆ కలువను మించి విరిసిన
నీ ముఖకమలాన్ని చూస్తున్న నిండు జాబిలిని
కాస్త నిదానించమన్నాను ఓ చెలీ!
********