Like-o-Meter
[Total: 0 Average: 0]
గోదావరి పేరు
స్మృతుల సుడుల ఏరు
సుమధుర భావాల తేరు
గోదావరి తలపు
మృత్యువు వరకూ మునక
బతుకు రాయిపై చేరిక
గోదావరి నడక
ప్రకృతి పలకరింపుల స్పర్శ
యద యద తో పరామర్శ
గోదావరి తీరం
తీరని హృదయ దాహానికి తార్కాణం
గాలితో రేవుని తాకుతూ అలలు చేసే అల్లరి చీత్కారం
గోదావరి తీరం
సేద దీరిన బతుకుల హారం
ఇసుకతెన్నెల్లో వెన్నెల్లో పరవశించిన ప్రాణం
గోదావరి గర్భం
జిహ్వకు చైతన్యాన్నిచ్చి జీవుల్ని మైమరపించే జీవనాధారం
ఆశాల తీరాలకు ఆపద లేకుండా చేర్చే అమ్మతనం
గోదావరి జలం
గోవిందుని పాదోదకం