గుర్తింపు

పగలు సూర్య కిరణాల్ని తిని
అరిగించుకొన్న నిర్భాగ్యుడొకడు
వెన్నెలని తాగి ముడుచుకుపోయాడు
వాడి త్రేన్పులకు రెచ్చగొట్టబడ్డ
కుక్క తోక అదే పనిగా ఊగుతో…

శ్రీ వెంకటేశ్వరా హోటెల్లో
లింగైక్య మోక్షగామొకడు
రీటా సెనరీటా మోటు దేహపు గిటారుని
ఢాణ్ ఢాణ్ మని మోగిస్తోన్నాడు

మబ్బు మొకం చూసుకొంటుంటే
చెదరకుండా నిలిచింది చెరువు
నీళ్ళపై నడవబోయిన తూనీగని
లాక్కొంది కప్ప

వక గుర్తింపు మరో గుర్తింపులో
చేజారిపోయింది