కష్టార్జితపు మత్తు

ఆమె పిల్లల ఆకలి మంటల్లో 

ఆతని కష్టార్జితపు మత్తు 

చమురు పోస్తుంది. 

******

మౌనపు విత్తులు

నీ పెదవులపై ఫలించిన మౌనాన్ని

విత్తులుగా చల్లుతూ, నా మనసున 

ఓ ఉద్యానాన్ని పూయిస్తున్నాయి  

నీ చూపులు. 

********

అనుభూతులు

పరిగెత్తే లోకాన అనుభూతులకు 

పెట్టుబడిగా పెట్టగలిగినంత కాలం నా దగ్గర లేదు. 

అందుకే నాకు నేను కూడా అనుభవానికి రావడం లేదు మరి. 

*******

కన్నీళ్లు

విడిచిన ప్రతి సారీ 

గమ్యాన్ని చేరడం తెలిస్తే!

జీవితాంతమూ పోషించే వారెవ్వరూ చెప్పు ఈ కన్నీళ్లను. 

*********