కుటుంబం

గోడకు వేలాడే పటంలోని 

నలుగురు ఏరంటే!

ప్రపంచపటం లో చూపుతూ 

గొప్పలు పోయే కుటుంబాలెన్నో! నా భారతాన. 

*******

చందమామలు 

భేతాళ కథలు వింటూ 

కాలం గడపాల్సిన చందమామలు 

భుజానేవో మోసుకుంటూ 

కాలంతో పరుగెడుతున్నాయి. 

*******

మద్యం సీసా

ఒంటి నుండి, కంటి నుండి 

జారే బొట్టుబొట్టు ను తనలోకి జార్చుకుంటూ 

భలేగా గుప్పుగుప్పుమంటుందిలే 

ఆ మద్యం సీసా. 

*******

ఇంద్రచాపం

ఒకరి మనసులోకొకరు తొంగిచూసే ఇంద్రజాలం!

మాలా మీ అందరికబ్బితే 

ఎన్ని ఇంద్రచాపాలీ లోకాన అని అంటున్నాయోయ్ 

ముక్త కంఠాన ఆ ఎండావానలు . 

********