మనోహర రహస్యం

ఎవరు నేర్పుతున్నారు మీకు 

మీలో మీరు కలసి ఇన్ని వగలను మాకై ఒలకబోస్తున్నారు 

తనకు తెలుసేమో! నని ఆ నింగిని నేనడిగితే 

నాకేమీ తెలీదంటూ చేతులు దులుపుకు కూర్చుంది! నిర్మలంగా 

నువ్వైనా చెప్పమంటూ ఈ నేలను నేనడిగితే  

తనలోని అణువణువునూ నింపుకు కూర్చుంది! శ్యామలంగా 

అందుకే మళ్ళీ మీరోచ్చే వేళైనా 

మీ గుట్టు విప్పుతానంటూ చేతులు చాచి కూర్చుంది నా మానసం 

అదిగో చినుకు చినుకుగా కరిగి 

నా దోసిట పడి మీరు చెప్పేరు!

మా నేస్తులను ఎడబాయలేనితనం 

నేర్పింది మాకిన్ని శ్రుతులనని 

బొట్లు బొట్లుగా తిరిగి ఈ పుడమిపై కలసిన పారవశ్యం 

నేర్పింది మాకు ఈ వయ్యారమంటూ

ఆహా!  నా మనసు దోసిట్లో..మీ మనోహర రహస్యం 

వేయి వానవిల్లులై విరిసింది ఇదిగో ఇలా….