Like-o-Meter
[Total: 0 Average: 0]
మరపు
పొంగే ఆ పాల నవ్వుల నురుగులను
చూసుకుంటూ!
ఆ అల తనను కొట్టిన దెబ్బను మర్చిపోదూ
ఈ శిల.
****
నీటిబొట్లు
ఐకమత్యం లో అందముందో
లేక విడిపోవడంలో అందముందోనని
ఆ విధాత కూడా
తమకింకా వివరించలేక పోయినందుకు కాదూ
కలిసినట్టే కలిసి విడిపోయేదా నీటిబొట్లు
ఈ తామరాకుపై.
*****
శిల్పం
మూగదై! తానాడలేని మాటలను
నా మనసున పాటలుగా పలికిస్తూ
ఒక్కతీరుగా తానెలా ఆడుతోందో
చూడా శిల్పం.
*****
తోరణాలు
స్పర్ధల తో
నా మనసింటికి తోరణాలు కట్టినాను
నన్ను నేను ఆహ్వానించుకోలేని ఆ ఇంటికి
నిన్ను ఆహ్వానించుట ఎట్లో? నేస్తం.
*****