సంకల్పం

పాఠకులందరికీ అరవై ఐదవ స్వాతంత్ర్యదిన శుభాకాంక్షలు

సడలనీయదు

కడలి, అలల పొంకాన్ని

నడినెత్తి సూర్యుడు

వడలింపజూసినా

అడుగైన కదలదు

చూడు, ఆ కొండ

పిడుగు బెదిరించినా

జడివానకైనా

పక్కలో బల్లెమై

‘పాకు’వాడెవడైన

మొక్కవోనిస్తామా

నిక్కమౌ జాతిని!

అరి మర్దన, జనార్దనడు,

మురవైరి చక్రమై

ధ్యాన మగ్నుడు, నీలగాత్రుని

జ్వాలనేత్రపు జ్వలనమై

కాళికా త్రిదలనమై

కాచువారము మేమెరా

జగతి నిలుచువారము మేమెరా!