Like-o-Meter
[Total: 0 Average: 0]
ఆ తలుపులు తెరవకోయ్
స్పందించవేమని నన్ను నిలదీసే
ప్రకృతి అందాలెన్నో ఆగున్నాయ్ వాటి వెనుక
నిజమే ఏకాంతం దొరికిననాడెపుడో చూసా
అమ్మ లాలిపాటలా అడిగినవి కొన్నైతే
మేఘ గర్జనలా విరుచుకుపడ్డవేన్నో
అందుకే ఆ తలుపులు తెరవకు
సరేలే! తెరవను గానీ
అసలెందుకొచ్చిందో చెప్పవోయ్ అందాలతో నీకీ పేచీ
నాగరికత నిన్ను నాలుగు గోడల మధ్యకే నేట్టేసిందా?
నీ ఏకాంత జ్యోతి వెలిగే తీరిక కూడా లేకుండా చేసిందా ఈ
ఆధునికత
చెప్పవోయ్ పర్లేదు నిజమిదేనని సిగ్గెందుకిందులో
అసలీ నిజానికి మాలగా కడితే అందరి జీవితాలను
సజ్జలో మిగిలే పూవొక్కటీ ఉండదులేవోయ్
ఎందుకంటావా ఊహించడం స్వప్నించడమననేవి
ఇరు పార్శ్వాలు నాకనీ మరచిపోయిన మనస్సులతో
ఏ పాటి సుగంధాన్ని ఈ జీవితాలకు అద్దగలం మనం
చెప్పు
అందుకే ఇకనైనా మనసులను బంధించిన అదృశ్య
శృంఖలాలను తెగ్గొట్టి
ఒక్కసారి మన ఊహల బాగువుల మధ్యకీ లోకాన్ని పట్టి
తెచ్చుకుందాం
గాఢ నిద్రలో అన్నైతే స్వప్నాలను విరబూయించి వాటి
పరిమళాన్ని ఆసాంతం
ఆఘ్రాణిద్దాం
నిలదీసిన ఈ ప్రకృతే అందాల ఎదుటే
రొమ్ము విరుచుకుని నిలబడదాం! రా నేస్తం
తలపులు తప్ప తలుపులే వద్దు
మా మనసులకని నినదిద్దాం రా!
*******
*******