Like-o-Meter
[Total: 0 Average: 0]
ఊహ
కాలాన్ని దొర్లించి,
కాలాన్నే కదిలించి!
తీపి గురుతుగానో, చెడు గుళికగానో!
మనసున మిగిలిపోదూ! ఊహ.
****
బాష్పాభిషేకం
విచ్చుకున్న పూలైన వేళ ఆ పెదవులు!
తొలి మంచు బిందువుల తళుకద్దడానికి
ఎంత తొందర పడుతున్నవో
చూడా ఆనందబాష్పాలు.
****
తల్లిదండ్రులు
మళ్ళీ మళ్ళీ పుట్టే నా మనసుకు
ఆలోచన, అనుభవాలే
తల్లిదండ్రులు.
****
చెరపలేని దూరం
చిరునవ్వు చెరపలేని దూరాన్ని చూపమని
నా మనసుని అడిగాను.
ఎక్కడెక్కడ తిరిగిందో అది పాపం
అలసి నన్ను చేరి
నా కన్నా మిన్నగా నవ్వుకుంది.
****