“డామ్”క్రసీ! మరియు కొన్ని సెన్సేషనల్ స్టోరీలు

టీవీ సెట్ టాప్ బాక్సుల్లో దాచిపెట్టిన “Embedded Mad-O-Meter” ఫ్రీక్వెన్సీలు విపరీతంగా ఒడిదుడుకులకు లోనవ్వగానే మా టీవీ జీరో ప్రతినిధి బృందం హైదెరబాద్, విశాఖపట్నం, చెన్నై, కొచ్చి, ఢిల్లీ, ముంబాయ్ మొదలైన ప్రాంతాల్లో మాస్ సర్వేలు నిర్వహించింది. 

టీవీ జీరో సర్వే సారాంశం ఇప్పుడు మీ కోసం…

• ఈజిప్టులో, ట్యునీషియాలో, బహ్రైన్ లో….ఇలా మిడిలీస్టులోని మిడిల్ క్లాసు ప్రజలంతా ప్రజాస్వామ్యం కావాలని ఉరుకులెత్తడం చూసిన భారత ప్రజలు పిచ్చిగా నవ్వుకొంటున్నారు. 

• “ప్రజాస్వామ్య ముబారక్ హో” అని ఈజిప్టు ప్రజలు ఒకరినొకరు అభినందించుకోవడం చూసిన పాకిస్తాన్ ప్రజలు వెర్రిగా ఆలోచిస్తున్నారు.

• భారత ప్రధానిగా ఒక పాజీ ఉండబట్టే 2జీ కుంభకోణం సంభవించిందని పంజాబు తప్ప మిగతా రాష్ట్రాల మెజార్టీ ప్రజలు మొత్తుకొంటున్నారు.

• బ్రిటన్ తెలుగువాళ్ళు తాము తయారు చేసిన ఆంధ్ర పద నిఘంటువు లోకల్ ఎడిషన్లో “ఖర్మ కాలి” అన్నదాన్ని “కల్మాడి” అన్న పదంతో రీప్లేస్ చేసారు.

• కాంగ్రెస్ పార్టీలో “జగన్” అన్న పదం పేరులో ఉన్న విధేయ కార్యకర్తలు వెంటనే పేర్లు మార్చుకొంటామని, దానికి  అనుమతినివ్వాలని మేడమే సోనియా ఇంటి ముందు ధర్నా చేపట్టారు!

• జగన్ కొత్త పార్టీ పేరులో “కాంగ్రెస్” ఎందుకని ఎదురు తిరిగిన కార్యకర్తలు “యాంటీ కాంగ్రేస్” పేరుతో కొత్త పార్టీని స్థాపించబోతున్నట్లు ప్రకటించారు.

• తమకు పుట్టబోయే(తే) బిడ్డకు కొచ్చిన్ అని పేరు పెట్టి సచిన్ ను మించిన క్రికెటర్ను చేస్తామని శశి థరూర్ దంపతులు గురువాయూరప్ప ముందు ప్రతినబూనారు!

మరిన్ని సెన్సేషనల్ సర్వేలతో మళ్ళీ మీ ముందుకు వస్తాం…ఇప్పుడో చిన్న బ్రేక్!