Like-o-Meter
[Total: 4 Average: 4.3]
మేజర్ సినిమా నిజజీవితంలో భారత సైన్యంలో మేజర్ గా ఉండిన సందీప్ ఉన్నికృష్ణన్ జీవితం పై ఆధారపడి తీసిన సినిమా. ఈ సినిమాలో మేజర్ సందీప్‍గా అడవి శేష్ నటించాడు. శశికిరణ్ తిక్కా దర్శకుడు.
ఈ మేజర్ సినిమాను చూసిన తర్వాత ఒక విద్యార్థిగా (ఈ మధ్యనే హైస్కూల్ ముగించి కాలేజ్‍లోకి అడుగుపెట్టాను) నా అభిప్రాయాలను మీతో పంచుకొంటున్నాను.
- మేజర్ సినిమా ఆర్మీలో చేరాలనుకునే యువతీ యువకులకు మంచి ప్రేరణను అందిస్తుంది.
- తెలుగు సినిమా ఇండస్ట్రీ నుండి యథార్థ ఘటనలపై ఆధారపడిన సినిమాలు చాలా తక్కువ వస్తునందువల్ల, టాలీవుడ్ అందించే మాస్ మసాల సినిమాల మధ్య మేజర్ సినిమా ఒక రిలీఫ్ అని చెప్పవచ్చు.
- ఈ సినిమా ద్వారా నేను గ్రహించిన ముఖ్యవిషయం ఏమిటంటే – ఆర్మీలో సైనికులు ఎలా ఉంటారు, వాళ్ళ తల్లిదండ్రులు మరియు కుటుంబాలు ఎలా త్యాగం చేస్తారు అన్నది.
- ’దేశ రక్షణ’ అన్నది ముఖ్యమైన విషయం అని నాకు మేజర్ సినిమా ద్వారా తెలిసింది.
- దేశం సురక్షితంగా ఉన్నప్పుడే ప్రజలు కూడా సుఖంగా ఉండగలరు అన్నది నాకు తెలిసింది.
- 2008లో మేజర్ సందీప్ ఉన్నికృష్ణన్ మరణించినప్పుడు నేను చాలా చిన్నవాడిని. ఈ సినిమా రాకపోయివుంటే అతని గురించి తెలిసే అవకాశాలు తక్కువగా ఉండేవి.
- దేశం కోసం పాటుపడిన ఎందరో గొప్పవాళ్ళు ఉన్నారు. కానీ నాలాంటి కొత్తతరానికి వాళ్ళు తెలియకపోవచ్చు. కనుక భారతీయ సినిమా ఇండస్ట్రీ మాస్ మసాల సినిమాలతో పాటు ’మేజర్’ లాంటి సినిమాలను కూడా తయారు చేయాలి.
- సందీప్ జీవితం ఒక్క సైనికులకే కాదు నాలాంటి విద్యార్థులకు కూడా స్ఫూర్తిని ఇచ్చేది. సైనికులు శత్రువుల్ని ఎదుర్కొన్నట్టుగా విద్యార్థులు పరీక్షలను ఎదుర్కోవాలి. సైనికులకు ఆయుధాలు ఉంటే విద్యార్థులకు విశ్వాసం అన్నదే గొప్ప ఆయుధం. ఆ ఆయుధంతో ముందుకు వెళ్ళినప్పుడు ఎలాంటి సవాలునైనా ఎదుర్కోవచ్చు.
- చివరగా, మేజర్ సందీప్ ఉన్నికృష్ణన్ ఫౌండేషన్ తరఫున కొంతమంది యువతీ యువకులను ఆర్మీలో చేర్పించాలని మేజర్ సినిమా బృందం వాళ్ళు ప్రకటించినట్టు పత్రికల్లో చదివాను. ఇది నిజం కావాలని కోరుకొంటున్నాను.
*****
ఆవకాయ.ఇన్ అందిస్తున్న తెలుగు పాడ్కాస్ట్ “ధ్వని” – తప్పక వినండి