అందం

 ఓ పక్క ఆ ఆకాశం 

తిండి పెట్టక కడుపు మాడ్చుతున్నా 

అందాన్ని ఎంతందంగా 

నెమరువేస్తోందో చూడా నది 

ఆ ఇసుక తిన్నెల మధ్య కూర్చుని. 

*****

జలపాతం

దగ్గరకు పిలిచి 

అంత గంధం నా మేనంతా పూసి 

తన గాంధర్వాన్నంతా వినిపిస్తుంది 

నాకా జలపాతం. 

******

తలపు

పరుగెడుతున్న ఆ ఏటి చరణాలకు 

గజ్జె కడదామనుకున్న నా తలంపే 

నవ్వు నురుగులుగా పల్లవిస్తుంది అదిగో అలా…. 

******

దివాలా

కలలు పండించలేక 

నిదుర కూడా వ్యవసాయంలా 

దివాలా తీసిందోయ్. 

******