ఈ ఎడారిలోనూ ….

ఈ ఎడారిలోనూ …. నిండుపున్నమి వెన్నెల
ఈ ఎండమావి ఎదలో మంచుపొరకు అంచులా
గడిచిపోయి బ్రతికొచ్చే గతకాలపు సౌఖ్యంలా
జలతారుల చిరు కదలికలో మెరుపు పూల మాలికలా
ఏకాంతపు రాత్రికి జలపాతం అలికిడిలా
చల్లగాలి వీవెనలా మల్లెపూల గమకంలా  
ఈ ఎడారిలోనూ …. నిండుపున్నమి వెన్నెల
ఈ ఎండమావి ఎదలో మంచుపొరకు అంచులా
నీ అనునయాల వయ్యారపు నెమలీకల జ్ఞాపకాలు
నీ కంటి చూపు కాంతులలలో ప్రసవించిన కావ్యాలూ
మాటా తేనె మధురిమలో సొమ్మసిలిన క్షణాలు
నిద్రనుండి లేచినట్టూ నిమ్నగలా సాగినట్టూ …..
ఈ ఎడారిలోనూ …. నిండుపున్నమి వెన్నెల
ఈ ఎండమావి ఎదలో మంచుపొరకు అంచులా