ఎండుటాకులు

చావుకు ఆడా మగా తేడాలేనట్లే
ద్వేషానికీ లేదన్న నిజం తెల్సాక
ఆశ్చర్యం
లోకానికేమీ కాలేదు
సిగ్గులేనితనంతో వెల్లకిల్లా పడుకోని పుల్లద్రాక్షల్ని కలవరిస్తాంది
నాకేమో వొంటి మీని బట్టల్నెవరో వూడబెరికినట్ట్లైతాంది!

లింగసౌఖ్యానికి లొంగిపోయిన అమ్మాయొకతె
విసిరికొట్టిన పసిబిడ్డ చుట్టూతా ద్వేషవలయంలా యీగలు!
మురిక్కాల్వ వుయ్యాల్లో
మోసగీతానికి జోలపోతూ ఆ బిడ్డ!

ముళ్ళు మూడురకాలు
గంటలు – నిముషాలు – సెకండ్లు
నొప్పి ఒకటే