ఎవరివో నీవెవరివో

ఏ ఆమని పిలుపులతో

చిగురించిన తొలకరివో

ఏ వెన్నెల వలపులతో

విరబూసిన కలువవో

నా కన్నుల చూపులలో

నటనమాడు కొమలివో

ఎవరివో నీవెవరివో

దివి చూడని అందానివో

కవి రాయని పాటవో

గాలి పాడని లాలివో

భువిని లేని సొగసువో

ఎవరివో నీవెవరివో

ఏ చిరుగాలి పల్లకిలో

విహరించే సుగంధానివో

ఏ పచ్చని తోటలో

విరబూసిన కుసుమానివో

ఏ వెన్నెల రాతిరిలో

నే రాసిన వలపుల కవితవో

ఎవరివో నీవెవరివో

లిపి నేర్చిన చూపువో

వలపు నేర్పిన చెలివో

కలవో మెరుపు మేఖలవో

సరస కావ్యానివో

ఎవరివో నీవెవరివో

* * * * *