హస్తభూషణం

పుస్తకం హస్తభూషణమని అన్నందుకు 

నన్ను చెరసాలలో పెట్టాలంటోంది 

నా చరవాణి. 

******

విలువలు

గోడలు దాటి విజ్ఞానం బయటకు రానపుడు 

గుండెలు దాటి లోనికెలా పోతాయోయ్

విలువలు. 

******

బలం

నమ్మడానికి 

ఇంత తేలికపాటి మనుషులు దొరికే ఈ దేశాన

అబద్ధాలకు వేయిటన్నుల బలమెందుకు?

******

గస్తీ

ఆడది… అర్ధరాతిరి…. స్వేచ్ఛ…. 

అని ఆనాడు ఆ మహాత్ముడు అన్న మాటను 

నిజం చేయడానికి, కర్ర చేతపట్టి 

గల్లీ గల్లీలోను గస్తీ తిరగాలేమో 

ఇపుడా గాంధీ విగ్రహాలు

*******