జాతి కేతనం

జాతి కేతనం

సొమ్ములు మారే చీకట్లోన?

శీలం పోయే అంగట్లోన?

ఎక్కడ ఎగరాలోయ్ నేనని, అడుగుతుంటే జాతి కేతనం!

మౌనంగా నువ్ బదులిస్తావో!

మథన పడి మరి అమృతమిస్తావో?

********
కీచురాయి

చీకటిన ఈ ధాత్రికి ధైర్యం చెప్పే

కీచురాయి పాటైనా చేయరేమీ లోకులు

ఎదలో చీకటులు అలముకున్నేళ.
*******
కడలి

ముంగిట నవ్వులతో

రంగవల్లికలేయు అలలున్న

ఆ కడలింట లక్ష్మి కొలువుండ

ఆశ్చర్యమేమిటోయ్
******
వెన్నెల కవిత

పున్నమి వెన్నెల చెబుతున్న

కమ్మని కవితల భావాన్ని

నేల పుటల నెలా రాస్తున్నాయో చూడు

ఆ అడవి మానులు తమ నీడలను కలాలు చేతబూని

*******