Like-o-Meter
[Total: 0 Average: 0]
మరుభూమి
ఇంతింత దూరం పరిగెత్తుకొచ్చేసి
ఆఖరికి అందరూ చేరే చోటు కోసం
వెతుక్కుంటోందోయ్
ఊరు.
**********
బీడు
ఈసురోమంటూ
అందవిహీనంగా కూర్చున్న తనను
పలకరించే నేస్తమై! నాగలి వచ్చేసరికి
తన అంతరంగాన్ని ఎలా
బయటేసిందో చూడు
ఆ బీడు.
*********
నెమళ్ళు
జ్ఞానపు జల్లులు
ఎలా కురుస్తాయోయ్
అన్ని నెమళ్ళు ముడుచుకు కూర్చుంటే
ఈ గ్రంథాలయాన.
*********
వైభోగం
అనాగరికతతోనే నిజంగా
తమ వైభోగమంతా అంతమైపోయిందని
అంటున్నాయేమిటోయ్ ఆ అడవులు.
************