Like-o-Meter
[Total: 0 Average: 0]
విసిరికొట్టిన మెతుకల్లే
ఆకాసంలో అంటుకొన్నాడు చందమామ
ఆకలేసిన బిచ్చగాడికి ఇంతకంటే కవిత్వం రాదు
గ్లాసంచున దుమకబోతున్న
ఐసు చుక్కలా చందమామ
నషా కాషాయ తాషామర్ఫాలో
జోగుతోన్న జోగి, జోగినీమణికి
అంతకంటే పైత్యమెక్కవే!
చీదగా మిగిలిపోయిన
చీమిడి చుక్కలా చందమామ
మొగుడు చాటు పెళ్ళాంకు
అప్పుడు, ఇప్పుడూ వొకే చంద్రడు
చిట్లిపోయిన చుక్కల్ని చూసి
చంద్రుడు బావురుమంటుంటే
మంటల తలతో నవ్వతాడు
నాలోపటి సూరీడు!