నవ్వు

నీలా నవ్వే నవ్వును

నన్ను నవ్వించమని

నవ్వుతూ నేనడిగితే

ఆ నవ్వు నవ్వుకుని

నవ్వుతూ నాతో

నవ్వులనే నవ్వించే నవ్వుతో

నీలో ఆమె నవ్వుతూ ఉంటే

నాతో ఈ నవ్వులాట ఎందుకని

నవ్వుతూ వెళ్ళిపోయింది.

******

చుక్కలున్న రాతిరి

వెతికితే గానీ చుక్క కనపడని రాతిరి

ఎలా అయిందబ్బా

మనసున్న వాడి మనసు మనసుపడి

మనసైనదాని మనసుతో

మనసు విప్పి మనోల్లాసంగా మాట్లాడితే

ఇలా ఇలా కాక ఎలా ఉంటుంది నాతో

చెలి కన్నుల వెన్నెల.

*********