పండుటాకు

ఎంత వైభోగానిస్తుందో చూడు

ఇప్పటి దాకా ఊయలూపి

ఆ గాలి పల్లకీలో మోసుకొచ్చి

సెలయేటిలో ఊరేగిస్తోంది

మరి నీవో……..?

*********

పరమార్ధం
 
పోగు చేసి పోగు చేసి

చివరకు పరమార్ధం అర్ధమై

చినుకు చినుకును పంచుతూ

తాను కరిగిందా కారుమేఘం.

***********

మనసు

గల గలా నవ్వుతూ

గోదారిలా నన్ను చేర వచ్చేవు

కడలిలా ఎనలేని సంపద లేదు నాకు

నిన్ను పొదువుకునే

మౌక్తికమంటి మనసు తప్ప.

***********

ఏకసంథాగ్రాహి

ఎంత గొప్ప ఏకసంథాగ్రాహో!

ఒక్క సారి వింటూనే

నా పాఠం నాకే ఒప్పచెప్పేస్తుంది

ఈ కొండ.

***********