Like-o-Meter
[Total: 0 Average: 0]
పల్లవి: రాలే చినుకులనూ లెక్కిద్దాం
నవ్వే చుక్కలతో హెచ్చిద్దాం
అంతకు రెట్టింపూ ఊహలు మావంటూ
ఇంపుగ చెప్పేద్దాం లోకాన్నూరిద్దాం
చరణం: ఎగిరే గువ్వను ఆపి
ఎగిసే హృదయం ఇచ్చి
నింగిని నేలను కలిపే
ఇంద్రచాపం అల్లేయమందాం
పారే ఏటిని చూస్తూ
పాడే పాటను నేరుస్తూ
గలగల మంటూ నవ్వేద్దాం
గాంధర్వాలను పాడేద్దాం ll రాలే ll
చరణం: తుమ్మెద రెక్కల తేరులపై
పసి పెదవుల నవ్వును నింగికి చేర్చి
నెలవంకను జతగా చేద్దాం
నిండు జాబిలిగ మార్చేద్దాం
మధురోహలతో మనసును శృతి చేసేయ్
పొంగే మధువును అందరి పాలు చేసేసేయ్
అసలు అమృతమే అదని చాటేసేయ్ ll రాలే ll
*******