విరహ గీతం

పులకింతల పున్నాగలు ఏ వాకిట కురిసినా

తొలకరించు తొలి పలుకులు ఏ నోటన పలికినా

పరిమళాల ప్రవాహాలు పరుగులిడే గుబాళింపు

కనుసన్నల జాజిపూలు పల్లవించు కావ్యాలే

ఆవంకన జాలువారు జలపాతపు తలపులెన్నో

ఈ వంకన నింగి తాకు సింగిణీల విల్లంబులు

కనుపాపల కదలికలో హొయలొలికే సోయగాలు

కనగలిగే మనసుకైతే అరచేతిన స్వప్నమౌను

నిర్నిద్రలొ ఊహకొలను తొలిచూపుల స్పర్శకేను

జలజలమను పల్లవాల పారిజాత గమకాలై

చిరు సవ్వడి అలికిడిలో ఆదమరచి ఒక్కక్షణం

తెల్లవారె కలలన్నీ తెల్లబోయె మల్లె