శ్రీహరి పాద తీర్ధమే చెడని మందు – అన్నమయ్య కీర్తన

శంకరాభరణ రాగం – ఆదితాళం

మోహపాశములు కోసి మోక్షమిచ్చే మందు
శ్రీహరి పాద తీర్ధమే చెడని మందు

కాయని పూయని మందు, కడు చల్ల చేసే మందు
కారని కంటగించని కమ్మని మందు
నూరని కాచని మేటి నునుపైన మందు
వేరువెల్లంకులు లేని వేరులేనీ మందు          ||శ్రీహరి పాదతీర్ధమే||

గురుతైన రోగములను గుణముచేసేటి మందు
దురితములెల్ల బాపే దొడ్డైన మందు
నిరతము బ్రహ్మాదులు నిలిచి సేవించే మందు
నరకములేనట్టి నయమైన మందు             ||శ్రీహరి పాదతీర్ధమే||

పొంకముతో గుణములన్ పొందజేసే మందు
మంకుబుద్ధి నెడబాపి మన్నించే మందు
పంకజాక్ష ప్రసన్న్ శ్రీవెంకటరాయని మందు
శంకలెల్ల పోగొట్టి సంరక్షించే మందు            ||శ్రీహరి పాదతీర్ధమే||